Kartulini nismo napisali
kupit regali nismo arivali
sreci, zdravlja, soldi, ljubavi
uz ovu pjesmu zelimo Vam mi
Ref.
Sretan Bozic i novo leto
blagoslovljeno i svemi sveto
pod boricun jaslice, judi na polnocnice
si kantaju isusic se rodil
Veceraska si gredu na masu
drze staru uzancu nasu
samo mi tu necemo bit
as cemo sost i judi veselit
Ref.
Vilija Bozja na kruh se maze bakalar
zenske metu crekvu i kite oltar
veceras ce more judi na polnocnicu prit
da kega vide a i malo se pomolit
Mat ce stavit pelicu
ku je kupila na kredit
a otac od sindikata polovni vestit
Trebe se pokazat as judi govore
makar ne jist, al’ da se vidi da se more
vecer prvo masi kruni se boric
zdola Marija Josip i mici Isusic
A pod boricun kup regali
za sakega da ne fali
ma platili nismo nis
karticu smo peglali
Va adventno vreme sve je veseleje
kad sneh pada i sve zabeleje
grad je pun lampic i sve to miga
a obicno do polna dela saka butiga
A pokle chiuso, as judi spajaju dani
va produzeni vikend do kraja setimani
pa od polna si jedu i piju prez meri
i jedini ki poste su nasi penzioneri
A za Bozic gozba ili udri po padele
kokos, purica, sarma pa kolaci pune roscere
a kamo na docek pitanje je sad
London, Pariz, New York ili neki drugi grad
Na kraje te svi doma ostat
s sampanjcen va ruke televiziju gledat