Nigdar ni tak bilo da ni nikak bilo
pak ni vezda ne bu da nam nekak ne bu
kajti, kak bi bilo da ne bi nekak bilo
ne bi bilo nikak ni tak, kak je bilo
Ar je navek bilo da je nekak bilo
kaj je bilo, a je ne kaj neje nikak bilo
tak i vezda bude da nekak, vre, bude
kakti bude bilo da bi biti bilo
Ar, nigdar ni bilo da ni nisce bilo
pak nigdar ni ne bu da niscega ne bu
kak je, tak je tak je navek bilo
kak bu, tak bu, a bu, vre, nekak, kak bu
Kajti, nemre biti i nemre se zgoditi
da kmet ne bi trebal na tlaku hoditi
nigdar jos ni bilo pak, nigdar ni nemre biti
da kmet nije moral na vojscinu iti
Kajgod, kakgod bilo opet je tak bilo
kak je bilo, tak je i tak bude bilo
kak je navek bilo navek tak mora biti
da muz mora iti festunge graditi
Bedeme kopati morta nositi
z repom podvinutim kakti kusa biti
kmet ne zna zakaj tak bas mora biti
da su kmeti gladni, a taborniki siti
Ar, nigdar ni tak bilo da ni nam tak bilo
pa nigdar ni ne bu da kmet gladen ne bu
kajti, nigdar ne bu ni na zemlji, ni na nebu
pri koncu, pak, Turcin potukel nas se bu
A kmete je seje’no je l’ krepa totu, tam
il’ v katedrale v Zagrebu
gda drugog spomenka na grebu mu ne bu
nek’ pesji brabonjek na bogeckem grebu